ایک معروف شریعہ اسکالر جوکہ شریعہ ایڈوائزری اور کنسلٹنسی کی پیشہ وارانہ مہارت رکھتے ہیں، اور مغربی اور روایتی دونوں تعلیم سے مزین ہیں۔ انہوں نے شہادت العالمیہ (گریجویشن کی تعلیم) اور تخصص فی الافتاء کی تعلیم جامعہ دارالعلوم کراچی سے حاصل کی۔ اس کے علاوہ ایم فل (اسلامک سٹڈیز) اور پی جی ڈی (اسلامک بینکنگ اورفنانس)کی ڈگریاں بھی حاصل کی ہے۔ اپنے وسیع تجربے کی بنیاد پر مفتی فوادعلی اس وقت زرعی ترقیاتی بینک لمیٹڈ اور نیشنل یونیورسٹی آف سائنس اینڈ ٹیکنالوجی میں بطورِ شریعہ ایڈوائزر فرائض سرانجام دے رہے ہیں۔ اس کے علاوہ معروف تکافل کمپنیاں جیسا کہ پاک قطر فیملی تکافل لمیٹڈ ، پاک قطر جنرل تکافل لمیٹڈ میں بھی فرائض سرانجام دے چکے ہیں۔اس کے ساتھ ساتھ آپ جامعہ عبداللہ بن عمر لاہور، اور احسان اکیڈمی اسلام آباد کے شریعہ فیکلٹی کے ممبر بھی رہے ہیں۔ اور ہلال اویرنس اور ریسرچ کونسل کراچی (ہارک) کے ایگزیکٹیو کمیٹی کے رکن بھی رہ چکے ہیں۔ مختلف کمپنیوں کے شرعی معاملات دیکھنے کے ساتھ ساتھ آپ روزمرہ کے شرعی معاملات میں بھی پانچ سو سے زائد فتاوی دے چکے ہیں۔ نیز آپ نے اسلامک بینکنگ اور فنانس ، تکافل، زکوۃ ، حج ، روزہ ، پراویڈنٹ فنڈ اور موٹیویشنل سپیچ (حوصلہ افزائی ) وغیرہ پر بھی متعدد لیکچرز اور ٹریننگ دی ہیں۔

شرعی بورڈ / مینیجر شرعی تعمیل سیکریٹری