ملک بھرمیں موجود زرعی ترقیاتی بینک لمیٹڈ کی تمام برانچوں سے اس اسکیم کے تحت قرضہ حاصل کیا جا سکتا ہے۔

اس سکیم کے  تحت کسانوں کوکھاد، بیج، زرعی ادویات اور جاری اخراجات کے لیے  ان کی ضرورت کے مطابق قرضفراہم کیا جائے گا۔ پورے ملک سے نئے اورپُرانے قرضدار جن کا بینک کے ساتھ لین دین تسلی بخش رہا ہو وہ بھی اس سکیم کے تحت قرضے کی سہولت حاصل کر سکتے ہیں۔

۔  کمپیوٹرائزڈ شناختی کارڈ کی نقل

۔   لون کیس فائل

۔   زرعی پاس بُک/ فرد جمعبندی

۔   دو عدد تصاویر

اس سکیم کے تحت قرضے کی زیادہ سے زیادہ فی کس حد مبلغ بارہ لاکھ روپے تک ہے۔ منظور شدہ قرض کی سالانہ حد تین سال کیلئے
جاری کی جائے گی۔ سالانہ حد کے مطابق قرضدار رقم اپنی ضرورت کے مطابق نکلوا بھی سکتا ہے اور بار بار جمع بھی کروا سکتا ہے۔
اصل قرض کی واپسی کی تاریخ ایک سال بعد گزشتہ مہینے کی آخری تاریخ ہو گی۔ جیسا کہ 28فروری، 31مارچ، 30 اپریل وغیرہ

قرضدار کو منظور شدہ قرضہ کا دس فیصد اپنے حصے کے طور پر بینک میں جمع کرانا ہو گا یا اپنی سکیم میں استعمال کرنا ہوگا۔

زیر ملکیت و قبضہ زرعی اراضی قرضے کے حصول کیلئے پیش کی جاسکتی  ہیں۔ملکیتی زمین نہ ہونے کی صورت میں والدین یا قریبی رشتہ داروں کی زمین انہیں قرض میں شراکت دار کے طور پر شریک کرتے ہوئے پیش کی جا سکتی ہے

بینک کے جاری پیداواری قرضوں کی مروجہ شرح کے مطابق اس سکیم میں مارک اپ وصول کیا جائے گا۔

قرضدار قرض کی منظور شدہ سالانہ حد بذریعہ چیک/کیش کاؤنٹر سے حاصل کر سکتے ہیں اور انہیں یہ اختیار ہے کہ وہ اپنا قرضہ کیس کو اکاؤنٹ کی طرز پر چلاتے ہوئے رقم کا لین دین کر سکتے ہیں۔

زیادہ سے زیادہ سات لاکھ تک کے قرضے کی منظوری بینک کے  CLSDڈیپارٹمنٹ ہیڈآفس سے ہو گی.

بینک کے قرضہ سے بنا ئے گئے اثاثہ جات کی انشورنس بذمہ قرضدار ہو گی۔

کسان خوشحال سکیم کے تحت دیئے گئے قرضہ جات تین سال کی آسان شرائط پر جاری کیے جاتے ہیں۔ قرض کی اصل رقم کاشتکار
کا جدول ایک سال کے اندر یکمشت یا اقساط میں واپس کر سکتے ہیں۔ جبکہ مارک اپ کی ادائیگی ہر چھ ماہ بعد مقررہ تاریخوں پر کرنی لازمی ہے۔ تاخیر کی  صورت میں بینک کی جانب سے جرمانہ عائد کیا جا سکتا ہے۔ قرض کی اصل رقم اور مارک اپ کی سال کے دوران مکمل ادائیگی پر سالانہ کلین اپ  کرتے ہوئے قرضہ کی حد اگلے سال کے لیے تجدید کر دی جائیگی تاکہ قرضہ تین سال کی مقررہ مدت تک بلا تاخیر ورکاوٹ جاری رہ سکے۔

متعلقہ ایم سی اواوربرانچ مینیجربنک ہدایات کے مطابق اس سکیم کے تحت جاری قرضہ جات کی جانچ پڑتال کے ذمّہ دار ہوں گے۔