قرضہ سکیم برائے چائے کی کاشت، تیاری، پیکجنگ اور مارکیٹنگ

چائے دنیا میں استعمال ہونے والے تین بڑے غیر الکوحل مشروبات میں سے ایک ہے، جس کی دریافت در اصل چین میں ہوئی۔ فی الحال چائے کی صنعت چین سے دنیا کے دور دراز ممالک تک پھیل گئی ہے جو جنوبی نصف کرہ (کینیا) میں 30 عرض البلد سے لے کر شمالی نصف کرہ (جارجیا) میں 45 عرض البلد تک پھیلا ہوا ہے۔ اس کی فی کس سالانہ کھپت01 کلو سے زیادہ ہے۔ بدقسمتی سے پاکستان میں استعمال ہونے والی تمام چائے بیرونِ ملک سے درآمد کی جاتی ہے۔ پیٹرولیم اور خوردنی تیل کے بعد چائے تیسری شے ہے جس پر ہمارے اربوں روپے سالانہ خرچ ہوتے ہیں۔ مزید برآں، سال 2020 میں، پاکستان دنیا میں چائے درآمد کرنے والے ملکوں میں سرِفہرست تھا، جس کا تخمینہ تقریباً 590 ملین ڈالرہے۔

مذکورہ بالا حقائق کو مدِنظر رکھتے ہوئے،زرعی ترقیاتی بینک چائے کی پیداوار کو بڑھانے کے لیے کسانوں کو پہلے ہی قرض فراہم کر رہا ہے۔ اب اس اقدام کو مزیدبہتر بنانے کے لیے،چائے کی کاشت، تیاری، پیکجنگ اور مارکیٹنگ کے لیے بھی قرضہ جات فراہم کیئے جائیں گے۔ نیز بینک چائے کے کاشتکاروں کو مارکیٹنگ کی سہولیات فراہم کرنے کی ہر ممکن کوشش کرے گا۔

قرضہ سکیم برائے تیاری و پیکجنگ خام چینی (شکر)

خام چینی (شکر) سفید شکر کا صحت منداور بہتر متبادل ہے۔دنیا میں کی جانے والی تحقیق کے مطابق سفید چینی انسانی صحت کو نقصان پہنچا رہی ہے اور اسے” سفید زہر” جانا جاتا ہے۔ زرعی ترقیاتی بینک پہلے ہی کسانوں کو گُڑ بنانے کیلئے قرض کی سہولیات فراہم کر رہا ہے۔اس سکیم کے تحت خام چینی بنانے کے لیے بھی اسی طرز پر قرض کی سہولت فراہم کی جارہی ہے۔ اس سلسلے میں زرعی ترقیاتی بینک کسانوں کو ان کی مصنوعات کے فروغ اور مارکیٹنگ کیلئے یوٹیلیٹی سٹورز اور سپر مارکیٹس وغیرہ سے رابطہ میں معاونت بھی فراہم کرے گا۔

قرضہ سکیم برائے ڈیری ویلیو چین

-ACAC سٹیٹ بینک آف پاکستان کی ہدایات کے مطابق کسانوں کی ضروریات کو مدِ نظر رکھتے ہوئے زرعی ترقیاتی بینک لمیٹڈ اپنی تمام برانچوں میں مذکورہ بالا سکیم متعارف کروا رہا ہے۔
قوائدو ضوابط

قرضہ جات برائے گرین بینکنگ پراڈکٹس

 

سٹیٹ بینک آف پاکستان کی ہدایات اور زرعی ترقیاتی بینک لمیٹڈ کی گرین بینکنگ پالیسی کی روشنی میں مندرجہ ذیل گرین بینکنگ پراڈکٹس جو زرعی شعبے کو درپیش ماحولیاتی تبدیلیوں کے منفی اثرات کو کم کرنے میں معاون ہونگی، قدرتی وسائل کے استحکام مثلاً پانی کے مناسب استعمال، زمین کی زرخیزی برقراررکھنے اور ماحولیاتی خطرات مثلاً آلودگی اور سموگ وغیرہ سے بچاؤ میں کارآمد ہونگی۔ پراڈکٹس کی تفصیل مندرجہ ذیل ہے۔

(i ریزڈ بیڈ پلانٹر/ مشین
(ii ڈائریکٹ سیڈ نگ رائس پلانٹر
(iii ہیپی سیڈر /پاک سیڈر
(iv سولر ڈرائر
(v سولر پاور ڈرِپ ایریگیشن سسٹم

قوائدو ضوابط

 

قرضہ برائے ٹریکٹر

ٹریکٹر روایتی طور پر تمام زرعی مقاصد اور مختلف اقسام کی زرعی مشینری کو کام میں لانے کے لیے استعمال کیا جاتا ہے۔ زرعی آلات کو ٹریکٹر کی مدد
سے استعمال میں لایا جاتا ہے۔ یہ زمین میں ہل چلانے، کھُدائی کرنے، زمین ہموار کرنے، کھاد بیج کی بوائی کرنے، جھاڑیاں اورگھاس صاف کرنے اور کھیت میں پودے
لگانے کے بھی کام آتا ہے۔

ان تمام سہولیات کے پیشِ نظرزرعی بینک کسانوں کو ٹریکٹر خریدنے کیلئے قرض کی سہولت مہیا کرتا ہے۔

قرضہ سکیم برائے Oil Expeller

اس سکیم کا بنیادی مقصد مختلف اقسام کے بیج مثلاً کینولا، ریپ سیڈ، سورج مُکھی اور سویابین وغیرہ سے کم لاگت میں خوردنی تیل حاصل کرنا ہے۔اِس ضمن میں آئل ایکسپیلر مشین کم وقت میں زیادہ فائدے کی وجہ سے کسانوں کی توجہ اور دلچسپی کا باعث ہے۔اور چھوٹے کسانوں میں بیروزگاری اور غربت کم کرنے میں بھی مدد گار ہے۔علاوہ ازیں محصولات میں اضافے اور تیل کے ساتھ ساتھ ضمنی اشیاء کے حصول اور استعمال میں بھی معاون ہے۔ ان تمام فوائد کو مدِ نظر رکھتے ہوئے بینک نے مذکورہ بالا سکیم کا اجراء کیا ہے۔سکیم کے اہم نکات درج ذیل ہیں۔

قرضہ سکیم برائے محفوظ چارہ

مرطوب موسم میں جب عموماً سبز چارہ مہیا نہیں ہوتا جانوروں کی افزائش،ان کو بیماریوں سے محفوظ رکھنے اور مکمل توانائی بحال رکھنے کیلئے محفوظ شدہ چارہ (جو کہ Silageکہلاتا ہے) کا استعمال کیا جاتا ہے جو نہایت مفید اور موثر ہے۔ اس مقصد کو سامنے رکھتے ہوئے زرعی ترقیاتی بینک لمیٹڈ نے اس سکیم کا اجراء کیا ہے جسکی اہم خصوصیات درج ذیل ہیں۔

سکیم برائے افزائش پھولدارپودے و گرین ہاؤسز

زرعی ترقیاتی بینک لمیٹڈنے پھولدار پودوں کی افزائش اور گرین ہاؤسز کو ترقی دینے کیلئے اس سکیم کا آغاز کیا ہے۔تا کہ کسان اس سکیم کے تحت اپنی محنت وصلاحیتوں کو بروئے کار لاکرپھولوں کی کاشت اور بے موسم کے پھلوں اور سبزیوں کی کاشت کے ذریعے  اپنی آمدن میں اضافہ کر سکیں۔نیز غربت اور بیروزگاری کو کم کرنے میں اپنا کردار ادا کر سکیں

دیہی ترقیاتی سکیم برائے آ زاد جموں وکشمیر

زرعی ترقیاتی بینک لمیٹڈ آزاد کشمیر کے دیہی علاقوں میں چھوٹے کسانوں کی مالی معاونت کے ذریعے 300ڈیری یونٹس کا قیام عمل میں لا رہا ہے۔ قرض کا مارک اپ محکمہ لائیوسٹاک اینڈ ڈیری ڈیویلپمنٹ ڈپارٹمنٹ آزاد کشمیر ادا کرے گا۔

سکیم / پروجیکٹ کا بنیادی مقصد پرائیویٹ سطح پر موجودہ مال مویشی کی پیداوار کو بڑھانا، ترقی دینا اور پیداوار کو بڑھا نے کیلئے نئے نئے طریقے متعارف کروانا ہے۔